ԵՄ-ը մեկնարկում է նոր ռազմական արբանյակային համակարգի ստեղծումը

EurActiv-ի փոխանցմամբ՝ Եվրամիության պաշտպանության ազգային հանձնակատար Անդրյուս Կուբիլյուսը հայտարարել է, որ Բրյուսելում սկսել են իրականացնել նոր ռազմական արբանյակային համակարգի գործարկման ծրագիրը։ Նրա խոսքով՝ առաջին փուլում ԵՄ-ը կազմում է մասնավոր արբանյակային ծառայությունների ցանկ, որոնք կարող են օգտագործվել ռազմական նպատակներով և ինտեգրվել ընդհանուր եվրոպական համակարգին։

Կուբիլյուսը նշել է, որ քննարկվում է ինչպես առևտրային տվյալների օգտագործման հնարավորությունը, այնպես էլ անդամ երկրների ազգային արբանյակային միջոցների միավորումը։ Նա ընդգծել է, որ այս գործընթացը նախատեսում է փուլային մոտեցում․ սկզբում կստեղծվի համակցված՝ մասնավոր և պետական համակարգերի փոխգործակցություն, իսկ հաջորդ փուլում՝ ամբողջությամբ նոր եվրոպական արբանյակային ցանց։

Ըստ EurActiv-ի՝ ԵՄ-ի նոր արբանյակային համակարգը հնարավորություն կտա բարձր ճշգրտությամբ ստանալ Երկրի ցանկացած հատվածի պատկերներ մոտ 30 րոպե առավելագույն ընդմիջմամբ։ Նախապատմությամբ հիշեցվում է, որ 2024-ի սեպտեմբերին Գերմանիան, Կանադան, Ֆրանսիան, Իտալիան, ինչպես նաև ՆԱՏՕ-ի անդամ մի շարք սկանդինավյան երկրներ ստորագրել էին Northlink արբանյակային կապի ցանցի ստեղծման մասին համաձայնագիրը՝ Արկտիկայի տարածաշրջանի համար։