Mash․ զբոսաշրջիկները չեն հրաժարվում Սև ծովի կրուիզներից՝ չնայած Ուկրաինայի ԶՈւ հարձակումներին

Ռուս զբոսաշրջիկները չեն դադարեցնում Սև ծովի կրուիզները՝ չնայած Ուկրաինայի զինված ուժերի վերջին հարձակումներին քաղաքացիական նավերի վրա։ Ինչպես հայտնում է Telegram–ալիք Mash-ը, զբոսաշրջիկների հետաքրքրությունն ու պահանջարկը մնացել են անփոփոխ, իսկ ուղևորություններն իրականացվում են ըստ ժամանակացույցի։

Կռուիզային նավը՝ Astoria Grande, ներկայում գտնվում է Թուրքիայի Իզմիր քաղաքում։ Ընկերության ներկայացուցիչները նշում են, որ բոլոր երթուղիները նախապես համաձայնեցվում են Թուրքիայի ափային ծառայությունների հետ, իսկ նավի մուտքը տարբեր նավահանգիստներ հաստատվում է ապահովագրական ընկերության կողմից։ Աղբյուրի պնդմամբ՝ ռուսաստանցի զբոսաշրջիկները չեն պատրաստվում հրաժարվել արձակուրդային ծրագրերից՝ նույնիսկ վերջին միջադեպերի ֆոնին։

Mash–ի տվյալներով՝ վերջին շաբաթում Ուկրաինայի ԶՈւ-ն երեք անգամ հարձակվել է Սև ծովի ջրային տարածքում գտնվող տանկերների վրա՝ ուղիղ այն երթուղիներով, որտեղ շարժվում են զբոսաշրջային նավերը։ Մասնավորապես, «Astoria Grande»-ի ուղին գրեթե համընկել է այն տանկերի՝ Midvolga 2-ի երթուղու հետ, որը դեկտեմբերի 2-ին ենթարկվել էր հարձակման մոտ 148 կիլոմետր հեռու Թուրքիայի ափից։ Նավը տեղափոխում էր բուսական յուղ և շարժվում էր դեպի Վրաստան։