Երեք փորձից Ալեն Սիմոնյանը ԱԺ-ում չկարողացավ քվորում ապահովել․ 20 րոպե ընդմիջում հայտարարվեց

Հայաստանի Ազգային ժողովն այսօր՝ դեկտեմբերի 3–ին չկարողացավ նիստն սկսել, քանի որ քվորում չկար։ Սկզբում գրանցվել էր 50 պատգամավոր, իսկ կրկնակի քվեարկությունից հետո գրանցված պատգամավորների թիվն ավելացավ միայն մեկով՝ դառնալով 51, մինչդեռ քվորում ապահովելու համար անհրաժեշտ է 54 ձայն։

Այդ պահին նիօստերի դահլիճ էր մտնում «Հայաստան» խմբակցության քարտուղար Արծվիկ Մինասյանը։

«Եկեք, պարոն Մինասյան, մի ամբողջ Ազգային ժողով ձեզ է սպասում։ Կարոտել ենք, պարոն Մինասյան»,–ասաց նիստը վարող ԱԺ նախագահ Ալեն Սիմոնյանը։

Քվեարկության երրորդ փորձն էլ հաջողությամբ չպսակվեց, և ԱԺ նախագահը 20 րոպեով ընդմիջում հայտարարեց։