Այս տարվա հոկտեմբերին կրկին ունեցել ենք աշխատատեղերի բացարձակ ռեկորդ. Փաշինյան
Տնտեսություն
Այս տարվա հոկտեմբերին մենք կրկին ունեցել ենք բացարձակ՝ գրանցված և աշխատավարձով ապահովված աշխատատեղերի ռեկորդ: Այդ մասին Ազգային ժողովի՝ դեկտեմբերի 3-ի նիստին հայտարարեց ՀՀ վարչապետ Նիկոլ Փաշինյանը՝ խոսելով 2026 թվականի պետական բյուջեի վերջնական տարբերակի մասին:
«2025 թվականի հոկտեմբերին 810074 գրանցված աշխատատեղ ունենք երկրում: 2018 թվականի նկատմամբ աճը՝ 223895 կամ 38 տոկոս: Հարգելի գործընկերներ, սա արձանագրում է, որ 2018-ից ի վեր մենք ՀՀ-ում ստեղծել ենք 223895 աշխատատեղ»,- նշեց վարչապետը:
Նրա խոսքով՝ նման ցուցանիշ նման ժամանակահատվածի համար Հայաստանի պատմության մեջ երբեք չի եղել, ընդ որում՝ աճը շարունակական է:
«Տարեցտարի՝ 2024 թվականի հոկտեմբերի համեմատ, 31 հազար աշխատատեղ է ստեղծվել՝ 4 տոկոսով ավելի: Միջին աշխատավարձը հոկտեմբերի 313 հազար դրամ է, 2018 թվականի նկատմամբ աճը՝ 135657 դրամ կամ 76 տոկոս»,- ասաց վարչապետը:
Նրա խոսքով՝ շատ ենք խոսում գնաճի մասին, նշեց՝ Հայաստանում չի եղել 76 տոկոսանոց գնաճ:
«Եվ ընդհանրապես, մեր աշխատավարձերի աճերը երկնիշ են՝ 20 և ավելի տոկոս, ինչը ցույց է տալիս քաղաքացիների բարեկեցության մակարդակը: Եկամտային հարկը, որը հոկտեմբերին վճարվել է, եղել է 50 միլիարդ 699 միլիոն դրամ, որը 2018-ի հոկտեմբերի համեմատ համարյա կրկնակի ավելի է 95 տոկոսով՝ 24 միլիարդ դրամով»,- հայտնեց Փաշինյանը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
