ՆԱՏՕ-ն փորձում է խափանել Ուկրաինայի շուրջ խաղաղ բանակցությունները. Զախարովա

Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ ՆԱՏՕ-ի Ռազմական կոմիտեի նախագահ Ջուզեպպե Կավո Դրագոնեի խոսքերը Ռուսաստանի դեմ «նախազգուշացնող հարվածների» մասին ուղղված են Ուկրաինայի շուրջ խաղաղ գործընթացը վտանգելու նպատակին։ Զախարովան «Радио Sputnik»-ին տված հարցազրույցում ընդգծել է, որ այս հայտարարությունները հնչել են հենց այն պահին, երբ ակտիվացել էին խաղաղ կարգավորման շուրջ շփումները։

Զախարովայի խոսքով՝ Դրագոնեի հայտարարությունը ընդգծում է Արևմտյան Եվրոպայում «միլիտարիստական հիստերիայի» աճը, որը համընկնում է բանակցային գործընթացը խոչընդոտելու փորձերի հետ։ Նա նշել է, որ նման հայտարարությունների ակտիվ տարածումը նաև արևմտյան լրատվամիջոցներում, այդ թվում՝ «Financial Times»-ում, պատահական չէ և ծառայում է նույն նպատակին։

Ավելի վաղ ՆԱՏՕ-ի գլխավոր քարտուղար Մարկ Ռյուտտեն կարևոր էր գնահատել Ռուսաստանի նախագահ Վլադիմիր Պուտինի և ԱՄՆ նախագահի հատուկ ներկայացուցիչ Ստիվեն Ուիտկոֆի բանակցությունները՝ հայտարարելով, որ դրանց արդյունքում խաղաղ գործընթացը ստացել է մեկնարկ։