ԱՄՆ-ում մահացել է 30-ամյա լեգենդար ալիգատոր-ալբինոսը

ԱՄՆ Կալիֆորնիայի Սան Ֆրանցիսկոյում մահացել է  Golden Gate Park  այգու ամենահայտնի կենդանիներից մեկը՝ ալիգատոր-ալբինոս Կլոդը։ Ինչպես հայտնում է ABC Newsը, կենդանին հեռացել է խորհրդավոր պատճառներով։ Կլոդը այցելուների տարիներ շարունակ սիրելի հերոսն էր․ նա այգում ապրել է 17 տարի, հայտնվել է մանկական գրքերում և գովազդներում, և իր «հանգիստ կարիզմայով» գրավել բոլորին։

Երեք մետրանոց ալիգատորը մահացել է 30 տարեկանում։ Վերջին շաբաթներին նա կորցրել էր ախորժակը, սակայն անասնաբույժները չէին կարողանում բացահայտել պատճառը։ Կասկած կար, որ Կլոդը ինչ որ վարակ է ստացել, սակայն բուժումը ոչ մի արդյունք չի տվել։ Աշխատակիցները նշել են, որ նրա վիճակը կտրուկ վատացել է հենց մահվանից առաջ։

Կլոդը ծնվել է 1995 թվականին՝ Լուիզիանայի մի ֆերմայում։ Նման գենետիկական մուտացիայով ալիգատորները աշխարհում հազվադեպ են՝ նրանց թիվը չի անցնում 200-ը։ Ավելի վաղ հաղորդվել էր, որ ԱՄՆ Կոլորադո նահանգում մահացել է նաև ևս մեկ հայտնի ալիգատոր՝ Մորիսը, որը նկարահանվել էր հոլիվուդյան ֆիլմերում և ապրել էր Դժեյ Յանգի ֆերմայում։