ԱՄՆ պատվիրակությանը ցույց են տվել Կրեմի Գրանովիտայա պալատը բանակցությունների օրը

Ռուսաստանի նախագահի հատուկ ներկայացուցիչը՝ Կիրիլ Դմիտրիևը, հայտարարել է, որ ԱՄՆ բանակցային պատվիրակությանը 2 դեկտեմբերի հանդիպման օրը ներկայացրել են Կրեմլի Գրանովիտայա պալատը։ Նա Instagram-ի իր էջում հրապարակել է լուսանկար, որտեղ երևում են ԱՄՆ նախագահի հատուկ բանագնացը՝ Ստիվեն Ուիտկոֆը, և Թրամփի փեսա Ջարեդ Քուշները՝ կանգնած պատմական դահլիճում։ Դմիտրիևը լուսանկարը մեկնաբանել է «Ռուսաստան–ԱՄՆ երկխոսություն» ստորագրությամբ։

Գրանովիտայա պալատը՝ Կրեմլի ամենահին և արժեքավոր ճարտարապետական կառույցներից մեկը, կառուցվել է 1487 թվականին իտալացի հեղինակ Մարկո Ֆրյա՛զինի կողմից։ Պատմականորեն այն եղել է ռուսական արքունիքի ընդունելությունների և հանդիսությունների հիմնական գահասրահը՝ Իվան III-ի օրոք։ Հենց այս խորհրդանշական միջավայրը, ըստ Դմիտրիևի, ընտրել էին ԱՄՆ պատվիրակության հետ շփման համար։

Ավելի վաղ Ռուսաստանի ԱԳՆ խոսնակ Մարիա Զախարովան հայտնել էր, որ Մոսկվան նախատեսում էր տպավորել ամերիկյան պատվիրակությանը մայրաքաղաքի տոնական լուսավորությամբ։ Իսկ բանակցություններից առաջ Դմիտրիևը հայտարարարել էր, որ դեկտեմբերի 2-ի հանդիպումը «կարևոր է ողջ աշխարհի համար»։