ՆԱՏՕ-ի գլխավոր քարտուղարը կոչ է արել դաշնակիցներին ավելացնել ԱՄՆ-ից Ուկրաինայի համար զենքի գնումները

ՆԱՏՕ-ի անդամ երկրները կարողացել են զգալիորեն մեծացնել ձեռքբերումները Prioritized Ukraine Requirements List (PURL) ծրագրի շրջանակում՝ ամերիկյան պաշտպանական ձեռնարկություններից, հայտարարել է դաշինքի գլխավոր քարտուղարը՝ Մարկ Ռյուտտեը, գրում է Euractiv-ը։ Նրա խոսքով՝ գործընթացը ընթանում է արագացված տեմպերով, և առաջիկայում հնարավոր է, որ ընդհանուր գումարը հասնի 5 միլիարդ դոլարի։

Գլխավոր քարտուղարը նշել է, որ այդ գումարը, ամենայն հավանականությամբ, բավարար չի լինի, և Ուկրաինային անհրաժեշտ կլինի ավելի մեծ աջակցություն։ Ռյուտտեն կոչ է արել դաշինքի երկրներին շարունակել ամրապնդել Կիևի պաշտպանունակությունը՝ հավելելով, որ 2026 թվականի համար ՆԱՏՕ-ի ընդհանուր պատվերները պետք է կազմեն առնվազն 50 միլիարդ դոլար։

Նա նաև հիշեցրել է, որ Ուկրաինայում կոռուպցիայի դեմ պայքարի հարցում կատարվում են անհրաժեշտ քայլեր՝ արձագանքելով վերջին կոռուպցիոն սկանդալներին, որոնք ներառում էին ավելի քան 100 միլիոն դոլարի հափշտակություն պետական գնումների շրջանակում։