Ռուբիոն անվանել է Ուկրաինայի շուրջ բանակցությունների հիմնական վիճելի կետը

ԱՄՆ պետքարտուղար Մարկո Ռուբիոն տարածքային վեճերը նշել է՝ որպես Ուկրաինայի հակամարտության կարգավորման բանակցությունների հիմնական վիճելի կետերից մեկը։ Նա այս մասին հայտարարել է Fox News-ին տված հարցազրույցում։

Նրա խոսքով՝ վիճելի տարածքը մոտավորապես 30-50 կիլոմետր է և կազմում է Դոնեցկի Ժողովրդական Հանրապետության 20%-ը, որը ներկայումս գտնվում է Կիևի վերահսկողության տակ։

Երեկ ուշ երեկոյան Կրեմլում ավարտվեցին Ռուսաստանի նախագահ Վլադիմիր Պուտինի, ԱՄՆ նախագահ Դոնալդ Թրամփի հատուկ դեսպանորդ Սթիվ Ուիթկոֆի և նրա փեսա Ջարեդ Քուշների միջև բանակցությունները։ Կողմերը չկարողացան փոխզիջման գալ ամերիկյան խաղաղության ծրագրի շուրջ։ Ռուսաստանի նախագահի օգնական Յուրի Ուշակովը հայտարարել է, որ տարածքային հարցը մնում է գլխավոր խոչընդոտը՝ չնայած ամերիկյան առաջարկներից մի քանիսը «ավելի կամ պակաս ընդունելի» են թվում։ ԱՄՆ-ի և Ռուսաստանի ներկայացուցիչները համաձայնել են չբացահայտել զրույցի մանրամասները։