Ուշակովը ներկայացրել է Պուտինի և ԱՄՆ ներկայացուցիչների բանակցությունների մանրամասները

Ռուսաստանի նախագահի օգնականը՝ Յուրի Ուշակովը, հայտնել է, որ Ռուսաստանի նախագահ Վլադիմիր Պուտինի, ԱՄՆ նախագահի հատուկ ներկայացուցիչ Ստիվեն Ուիտկոֆի և Ջարեդ Քուշների հետ հանդիպումը օգտակար և կառուցողական է եղել։ Ինչպես փոխանցում է ТАСС-ը, կողմերը պայմանավորվել են շարունակել կապը և շարունակել քննարկումները։

Ուշակովը ընդգծել է, որ բանակցությունները անցկացվել են փակ ձևաչափով, և կողմերը նախապես համաձայնել էին չբացահայտել խոսակցության բովանդակությունը։ Նրա խոսքով՝ Ռուսաստանը ներկայացրել է իր դիտարկումները, իսկ ամերիկյան կողմը հաստատել է իր պատրաստակամությունը դրանք հաշվի առնելու։

Նախագահի օգնականը հավելել է, որ զրույցը եղել է «իրոք օգտակար», և շփումները կշարունակվեն առաջիկա փուլերում՝ խաղաղ գործընթացի մանրամասները մշակելու համար։