Վագենկնեխտը զգուշացնում է․ Ռուսաստանի գազից հրաժարումը և Ուկրաինային միլիարդավոր օգնությունը կհասցնեն Եվրոպային տնտեսական անկման

Գերմանիայի նորաստեղծ «Սառա Վագենկնեխտի միություն — Բանականություն և արդարություն» կուսակցության առաջնորդը՝ Սառա Վագենկնեխտը, հայտարարել է, որ Ռուսաստանի էներգակիրներից ամբողջական հրաժարումն ու Ուկրաինային տրամադրվող բազմամիլիարդ աջակցության շարունակականությունը ուղղակի ճանապարհ է դեպի Գերմանիայի և ընդհանրապես Եվրոպայի տնտեսական անկում։ Այս մասին նա գրել է X սոցիալական հարթակում՝ կոշտ գնահատականներով։

Վագենկնեխտը ընդգծել է, որ «էժան ռուսական գազի ամբողջական բոյկոտը և միլիարդավոր դոլարների ուղղումը ԱՄՆ-ից գնվող զինամթերքի համար՝ կոռումպացված Ուկրաինային, Եվրոպային տանում են տնտեսական աղետի»։ Նա տեղի ունեցող գործընթացները համարել է «խելահեղություն» և կոչ արել անհապաղ դադարեցնել այն քաղաքականությունը, որը, իր համոզմամբ, հարվածում է եվրոպական արդյունաբերությանը, էներգետիկ անվտանգությանն ու սոցիալական կայունությանը։

Հիշեցնենք, որ ավելի վաղ Հունգարիայի արտգործ նախարար Պետեր Սիյյարտոն զգուշացրել էր, որ Բուդապեշտը պատրաստվում է դատական հայց ներկայացնել Եվրամիության դեմ, եթե Բրյուսելը նպատակ հասնի և պարտադրի ռուսական նավթի ու գազի ամբողջական արգելք։ Իսկ ԵՄ խորհուրդը հոկտեմբերի 20-ին արդեն հաստատել է ռուսական գազի տարանցման արգելքը՝ սահմանելով փուլային, իրավական պարտադիր սահմանափակումներ․ ամբողջական ներմուծման արգելքը ուժի մեջ կմտնի 2028 թվականի հունվարի 1-ից, իսկ տարանցման արգելքը՝ 2026-ի հունվարի 1-ից։