Բժիշկները հեռացրել են դեռահասի՝ վեյփի պատճառով սևացած թոքը և տոպրակի մեջ հանձնել նրան

Նոր Զելանդիայում բժիշկները ստիպված են եղել հեռացնել դեռահասի թոքը վեյփի՝ էլեկտրոնային ծխախոտի հետևանքով առաջացած բարդությունների պատճառով, հաղորդում է Metro-ն։

ԼիՌեյ Քինգը սկսել է վեյփ օգտագործել 14 տարեկանում։ 16 տարեկանում նա շաբաթական օգտագործել է չորս միանգամյա օգտագործման սարք։ Մեկ տարի առաջ նա արթնացել է կրծքավանդակի ուժեղ ցավով և սկսել դժվարությամբ շնչել։ Հիվանդանոցում նրա մոտ ախտորոշվել է պնևմոթորաքս, և թոքերում կուտակված հեղուկը հեռացվել է։

Մի քանի ամիսների ընթացքում Քինգը երեք անգամ վերադարձել է հիվանդանոց՝ հիվանդության կրկնությամբ։ Ամեն անգամ բժիշկները կատարել են ավելի ու ավելի բարդ միջամտություններ և, ի վերջո, ամբողջությամբ հեռացրել են նրա թոքի վնասված մասը։ Վիրահատությունից հետո վիրաբույժները երիտասարդին տվել են նրա սևացած թոքը տոպրակի մեջ։ Նա որոշել է այն թաղել բակում՝ ծխելը ընդմիշտ թողնելու համար։