Տղամարդը 30 տարի թաքցրել է իր երկրորդ ընտանիքն առաջին կնոջից և դատապարտվել ազատազրկման
Այլ
Սինգապուրում տղամարդը բանտարկվել է երկամուսնության համար, հաղորդում է Channel NewsAsia (CNA)-ն։
Դատարանը լսել է 67-ամյա սինգապուրցի Թեոնգ Մինի գործը, որը 30 տարի թաքցրել էր իր երկրորդ ընտանիքն առաջին կնոջից։
1980 թվականին նա ամուսնացել է իր դպրոցական ընտրյալի հետ և ունեցել երկու երեխա։ 1995 թվականին նա գաղտնի ամուսնացել է Մալայզիայի Սարավակ քաղաքում գտնվող մեկ այլ կնոջ հետ, որը իմացել է նրա կարգավիճակի մասին, և ունեցել ևս երկու երեխա։
Մինի առաջին կինը ճշմարտությունն իմացել է միայն այս տարի՝ Իմիգրացիայի և սահմանային վերահսկողության գործակալության կողմից նրա դեմ սկսված հետաքննության ժամանակ։ Նա ցնցվել է լուրից և այժմ մտադիր է վերջ դնել ամուսնությանը։
Մեղադրյալը դատարանում հայտնել է, որ զղջում է և խոստացել է ազատ արձակվելուց հետո լինել լավ ամուսին։
«Ես խոստանում եմ հետևել օրենքին և լինել լավագույն հայրը, պապիկը և ընտանիքի անդամը։ Ես ուզում եմ իմ կյանքի մնացած մասն անցկացնել՝ իմ երեխաների և թոռների համար համեստության, ազնվության և պատասխանատվության լավ օրինակ ծառայելով», - ասել է Մինը իր եզրափակիչ խոսքում։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
