Շոտլանդիայում այրին սխալմամբ ստացել է ամուսնու իրերը՝ նրա ոտնաթաթերի հետ միասին

Շոտլանդիայում այրին սխալմամբ  ստացել է ամուսնու ոտնաթաթերի նրա իրերի հետ միասին, հաղորդում է The Scottish Sun-ը։

Աննետ Ֆեդերսփիլի խոսքով՝ իր ամուսինը՝ Մարկը, որը տառապում էր լեյկոզով և դեպրեսիայով, անհետացել է հունիսին՝ Արգայլում լաստանավից ընկնելուց հետո։ Նրա մարմինը հայտնաբերվել է չորս ամիս անց։

2025 թվականի նոյեմբերի 12-ին դիակիզումից հետո Աննետը՝ թաղման բյուրոյից, ստացել է ամուսնու իրերով լի փաթեթ։ Դրանք տեսակավորելուց հետո նա սարսափահար է եղել, երբ հայտնաբերել է, որ գուլպաները անսովոր ծանր են։

«Ես ձեռքերս դրեցի դրանց մեջ և դիպա Մարկի ոտնաթաթերին», - պատմել է նա։

Շոտլանդացի կնոջ խոսքերով՝ իր 87-ամյա հայրը ստիպված է եղել անձամբ փաթեթավորել մնացորդները և տանել դրանք թաղման բյուրոյի աշխատակիցներին հանձնելու։ Աննետը պնդում է, որ անմիջապես կապ է հաստատել և՛ թաղման բյուրոյի, և՛ պատասխանատու ոստիկանի հետ։ Ծառայությունը ներողություն է խնդրել, սակայն Շոտլանդիայի ոստիկանությունը հերքում է իրերի տեղափոխման հետ կապված իր մասնակցությունը։ Աննետը, ով միջադեպից հետո տառապում է մղձավանջներով և խուճապային նոպաներով, մեղադրում է ոստիկաններին պատասխանատվությունից խուսափելու փորձի մեջ։

«Ի՞նչ են նրանք արել Մարկի հետ։ Նրանք այնքան անզգույշ են եղել նրա մարմնի հետ», - նշել է նա։