Պղնձի գինը հասել է ռեկորդային 11,771 դոլարի՝ Չինաստանի լուրերի հիման վրա․ Bloomberg

Պղնձի գները հասան ռեկորդային բարձրակետի Չինաստանի կառավարության այն հայտարարության ֆոնին, որ ներքին պահանջարկի ամրապնդումը 2026 թվականի հիմնական տնտեսական առաջնահերթություն է, հաղորդում է Bloomberg-ը։

Լրագրողների տվյալներով՝ գունավոր մետաղի գինը բարձրացել է 1.3%-ով՝ հասնելով ռեկորդային 11,771 դոլարի: Գործակալությունը նշել է, որ գնի աճը տեղի է ունեցել Չինաստանի կառավարության այն հայտարարությունից հետո, որ Պեկինը նախատեսում է հարկաբյուջետային քաղաքականության նկատմամբ «ավելի նախաձեռնողական» մոտեցում ցուցաբերել՝ պահպանելով «չափավոր ազատ» դրամավարկային քաղաքականություն:

«Պղինձը կշահի էլեկտրաէներգետիկ ցանցի արդիականացմանը և հաշվողական հզորության զարգացմանն ուղղված աջակցության միջոցառումներից։ Աճի տեմպը մնում է բավականին լավատեսական», - ասել է չինական Cofco Futures Co. բրոքերային ընկերության վերլուծաբան Սյու Վանցյուն։