Սիմոնյանը պատմել է քիմիաթերապիայի ընթացքում առաջացած դժվարությունների մասին

«Ռոսիա սեգոդնյա» միջազգային մեդիա խմբի և RT հեռուստաալիքի գլխավոր խմբագիր Մարգարիտա Սիմոնյանը խոսել է քիմիաթերապիայի ընթացքում առաջացած դժվարությունների մասին: Նա այս մասին գրել է իր տելեգրամյան ալիքում։

Սիմոնյանը նշել է, որ Հնդկաստանից վերադառնալուց հետո անմիջապես անցել է երրորդ քիմիաթերապիայի կուրսին: «Ինչպե՞ս եմ այս ամեն ինչը տանում: Տարբեր կերպ: Երբեմն, հատկապես վերջում, քիմիաթերապիայի հաջորդ կուրսից առաջ, ինչպես դա եղավ Հնդկաստանում, ընդհանուր առմամբ նորմալ», - գրել է լրագրողը:

Նա պարզաբանել է, որ քիմիաթերապիայից հետո առաջին օրերին հատկապես իրեն վատ է զգում։ Սիմոնյանի խոսքով՝ այս ընթացքում երբեմն հոսպիտալացման կարիք է լինում՝ արյան կամ ստամոքսի ու կերակրափողի հետ կապված խնդիրների պատճառով։ «Իհարկե, կորցրել եմ մազերս, կորցնում եմ համի զգացողությունս, ինչպես COVID-ի դեպքում, և մաշկիս վիճակը վատանում է։ Բայց դրա համար չեմ անհանգստանում», - հավելեց Սիմոնյանը։

Սիմոնյանի մոտ քաղցկեղի ախտորոշման մասին հայտարարվել էր սեպտեմբերի վերջին։ Լրագրողը հայտնել էր, որ շուտով նա հեռուստատեսային նախագծերում կնկարահանվի կեղծամներով։