Վերսալի պալատը կբարձրացնի տոմսերի գները՝ ոչ եվրոպացի զբոսաշրջիկների համար ․ AFP

Վերսալի պալատի վարչակազմը որոշել է բարձրացնել մուտքի տոմսերի արժեքն այն զբոսաշրջիկների համար, ովքեր եվրոպական երկրներից չեն եկել, հաղորդում է Agence France-Presse (AFP)-ն:

«Տուժած» երկրները Եվրոպական տնտեսական գոտուց դուրս գտնվող երկրներն են (Եվրամիություն, Իսլանդիա, Լիխտենշտեյն և Նորվեգիա): AFP-ի փոխանցմամբ՝ տոմսերի գները կբարձրանան 3 եվրոյով՝ ստանդարտ 32 եվրոյի փոխարեն հասնելով 35 եվրոյի, ինչը կազմում է 9.4% աճ: Պալատի վարչակազմը գնահատում է, որ այս միջոցառումը տարվա ընթացքում հաստատության բյուջեին կապահովի լրացուցիչ 9.3 միլիոն եվրո: Գործակալությունը հիշեցնում է, որ անցյալ տարի Վերսալի ամրոցը ընդունել է 8.4 միլիոն այցելուի, որոնց 83%-ը օտարերկրացիներ էին:

Ավելի վաղ Փարիզի Լուվրի թանգարանը հայտարարել էր ոչ եվրոպական երկրներից զբոսաշրջիկների համար մուտքի վճարը 45%-ով՝ մինչև 32 եվրո բարձրացնելու մասին: Այս որոշումը կայացվել է Ֆրանսիայի մշակույթի նախարարության առաջարկություններին համապատասխան: Այս քաղաքականությունը նախատեսվում է տարածել երկրի մյուս ամենաշատ այցելվող մշակութային հաստատությունների վրա մինչև 2026 թվականը: