Բժիշկը նշել է է փքվածության վտանգավոր պատճառը

Սան Պաուլոյի համալսարանի սրտաբան Մարսելո Ֆերաս Սամպայոն Metropoles-ին տված հարցազրույցում բացատրել է, որ որովայնի փքվածությունը կարող է վկայել ոչ միայն մարսողական խնդիրների, այլև սրտանոթային համակարգի հետ կապված խնդիրների մասին։

Մասնագետի խոսքով՝ փքվածությունը սրտի հիվանդության թերագնահատված նշաններից մեկն է՝ գիշերային քրտնարտադրության, ոտքերի այտուցվածության, շնչառության դժվարացման, գլխապտույտի, կրծքավանդակի ցավի և սրտխփոցի հետ մեկտեղ։ Արյան մեջ շաքարի և խոլեստերինի բարձր մակարդակը, ինչպես նաև արյան բարձր ճնշումը նույնպես նախազգուշական նշաններ են։

Սրտային անբավարարության դեպքում սիրտը պակաս արդյունավետ է աշխատում, հատկապես աջ կողմում, ինչը հանգեցնում է արյան կուտակման խոշոր երակներում և լյարդում։ 

Մասնագետը շեշտել է, որ կարևոր է դիմել բժշկի, եթե նման ախտանիշներ են առաջանում։ Բժշկի կողմից անհրաժեշտ է գնահատել հիմնական կենսական նշանները, չափել զարկերակը, զննել երակները, կատարել կրծքավանդակի պալպացիա և աուսկուլտացիա՝ սրտանոթային պաթոլոգիաները բացառելու կամ հայտնաբերելու համար։