Տղամարդը չորրորդ անգամ փախել է բանտից՝ սավանների օգնությամբ

Քրեական շրջանակներում հայտնի «փախուստի վարպետը» չորրորդ անգամ հաջողությամբ փախել է եվրոպական բանտից, հայտում է The Times-ը։

Անցյալ շաբաթավերջին Ալբանիայի 41-ամյա քաղաքացի Տաուլանտ Տոման, որը պետք է մինչև 2048 թվականի հոկտեմբերը պատիժ կրեր կողոպուտի և այլ հանցագործությունների համար, փախել է Միլանի խիստ ռեժիմի «Օպերայի» բանտից։ Նա սղոցել է իր խցի ճաղերը և անկողնու սավանների միջոցով իջել պատուհանից, ապա բարձրացել վեց մետրանոց պատի վրայով և փախել։

Իտալիայի իշխանությունները սկսել են լայնածավալ որոնումներ՝ պարեկային խմբերով և սահմանել լրացուցիչ սահմանային հսկողություն՝ ենթադրելով, որ նա  կփորձի լքել երկիրը։ Հետաքննիչները վերանայում են տեսախցիկների ձայնագրությունները՝ պարզելու համար, թե արդյոք բանտարկյալը ստացել է արտաքին օգնություն։

Ըստ տեղեկությունների՝ նա առաջին անգամ փախել է Տերնիի բանտից 2009 թվականին, մինչդեռ նրա ամենաաղմկոտ փախուստը տեղի է ունեցել 2013 թվականին, երբ նա լքել է Պարմայի բանտը խցակիցի հետ։

Իտալական ոստիկանությունը 40 օր փնտրել է տղամարդուն, նախքան պարզելը, որ նա ձերբակալվել է Բելգիայում, բայց Թոմասը կրկին փախել է արտահանձնումից առաջ։