Աննա Վարդապետյանը Տիգրան Խաչատրյանին մաղթեց մասնագիտական նորանոր մարտահրավերներ, համբերություն և առողջություն

«Նախագծով Առաջարկվում է ՀՀ սեփականություն հանդիսացող 13.4 մլն դրամ արժեքով 1.5 հա մակերեսով հողամասն ամրացնել ՇՄՆ-ին և անորոշ ժամկետով անհատույց օգտագործման իրավունքով հանձնել «Սևանա» Ազգային պարկ» ՊՈԱԿ-ին»,-կառավարությա նիստում հայտնեց ՏԿԵ նախարար Դավիթ Խուդաթյանը՝ ներկայացնելով օրակարգում ընդգրկված 66 նախագծերից զեկուցվող երեքից առաջինը։

Նախարարը տեղեկացրեց, որ այդ անշարժ գույքը Հայաստանին է վերադարձվել Գլխավոր դատախազության հայցի հիման վրա՝ Գեղարքունիքի ընդհանուր իրավասության դատարանի դատական ակտով։

Խուդաթյանը նշեց, որ չեղարկվել է «Սևանա» ազգային պարկ» ՊՈԱԿ-ին տնօրեն Գագիկ Մարտիրոսյանի և «Կարեն» արտադրական կոոպերատիվի նախագահ Ռուբեն Ղարիբյանի միջև կնքված պայմանագիրը և դրա հիման վրա կատարված սեփական իրավունքի պետական գրանցումը։

 Նիստը վարող փոխվարչապետ Տիգրան Խաչատրյանը Գլխավոր դատախազ Աննա Վարդապետյանին առաջարկեց ավելի մանրամասը ներկայացնել գործի ընթացքը։

Իր խոսքի սկզբում Աննա Վարդապետյանը շնորհավորեց Տիգրան Խաչատրյանի ծննդյան տարեդարձը՝ մաղթելով մասնագիտական նորանոր մարտահրավերներ համբերություն և  առողջությունն ի նպաստ այն ծառայության, որը իրականացնում է «հանուն ՀՀ-ի»։

 Գլխավոր դատախազը նշեց, որ բազմաթիվ տարածքներ կան, որոնք սեփականաշնորհվել են անհատներին կամ իրավաբանական անձանց, բայց դրանք գրտվել է լճի մակարդակի թուլատրելի նիշից ներքև։