Դեսպանն ասել է՝ հունվարից կամ փետրվարից Գերմանիայի դեսպանատանն այլևս հերթեր չեն լինելու. Փաշինյան
Քաղաքական
«Շատ կարևոր նորություն իմացանք Բեռլինում։ Հայաստանում Գերմանիայի դեսպանը ասաց, որ հունվարից կամ փետրվարից Գերմանիայի դեսպանատանն այլևս հերթեր չեն լինելու»,- Համբուրգում լրագրողների հետ զրույցում ասել է Նիկոլ Փաշինյանը:
Նա նշել է, որ իրենք բավական երկար ժամանակ աշխատում ենք ԵՄ գործընկերների հետ:
«Մարդիկ ասում են՝ նայում ենք լուրերով, որ ԵՄ-ի հետ հարաբերությունները կարգավորվել են, իսկ միայն վիզա ստանալու դիմում հանձնելու համար մարդիկ 10 ամիս ստիպված են սպասել:
Եվ հիմա առաջին արձագանքը Հայաստանի Հանրապետությունում Գերմանիայի դեսպանատնից է։ Ամենաբարձր մակարդակով պաշտոնապես հայտարարվեց, որ մյուս տարվա սկզբից, փետրվարից այլևս հերթ գոյություն չի ունենա: Ում տալու են վիզա՝ կտան, ում չեն տալու՝ չեն տա: Հույս ունեմ, որ շղթայական կշարունակվի նաև մյուս դեսպանատների դեպքում և մենք այս խնդրից կազատվենք»,- ասել է Փաշինյանը։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
