Եվրոպական առաջնորդները կորցրել են ազդեցությունը Թրամփի վրա․ Time

Անցած շաբաթվա իրադարձությունները ցույց տվեցին, որ չնայած իրենց բոլոր ջանքերին՝ եվրոպացի առաջնորդները որևէ ազդեցություն չունեն ԱՄՆ նախագահ Դոնալդ Թրամփի վրա, ով նրանց անողոք քննադատության է ենթարկել, գրում է Time-ը։

Հեղինակները կարծում են, որ ԱՄՆ-ի կողմից ներկայացված խաղաղության ծրագիրը կապիտուլյացիա է Ռուսաստանի նախագահ Վլադիմիր Պուտինի առջև։ Ավելին, Politico-ին տված հարցազրույցում ամերիկացի առաջնորդը մեղադրել է Եվրոպային ուկրաինական հարցում անգործության մեջ։

Time-ը նշում է, որ Թրամփը Եվրոպային ամբողջությամբ դուրս է մղել բանակցային գործընթացից՝ թողնելով նրան քիչ հնարավորություններ։

«Սրանք սարսափելի ժամանակներ են Եվրոպայի համար։ Ուկրաինայում առաջնագծում ճնշման, Եվրոպայի օդային տարածք ռուսական ներխուժումների և Կրեմլի հետ Սպիտակ տան ջերմացող հարաբերությունների միջև առաջնորդների միակ տարբերակն այժմ երկու ձիու վրա նստելն ու հուսալն է, որ նրանք չեն շեղվի։ Եվրոպայի ճակատագիրը այլևս նրա ձեռքում չէ», - նշվում է հոդվածում։