Լևոն Արոնյանը հաղթել է Մագնուս Կարլսենին ու նվաճել Freestyle Chess Grand Slam Final-ի տիտղոսը

Շախմատի Հայաստանի հավաքականի նախկին առաջատար Լեւոն Արոնյանը Քեյփթաունում (Հարավային Աֆրիկա) անցկացված Freestyle Chess Grand Slam Final-ի եզրափակիչում 1,5:0,5 հաշվով պարտության մատնեց աշխարհի 16-րդ չեմպիոն, համաշխարհային դասակարգման առաջատար, նորվեգացի Մագնուս Կարլսենին եւ նվաճեց տիտղոսը։

Քառորդ եզրափակիչում Լեւոն Արոնյանը 3:1 հաշվով հաղթել էր ամերիկացի Հանս Նիմանին, կիսաեզրափակիչում՝ 3:1 հաշվով պարտության էր մատնել գերմանացի Վինսենթ Կեյմերին։

Մագնուս Կարլսենը քառորդ եզրափակիչում 3:1 հաշվով հաղթել էր ամերիկացի Ֆաբիանո Կարուանային, կիսաեզրափակիչում  2,5:1,5 հաշվով առավելության էր հասել ուզբեկ Ջավոխիր Սինդարովի նկատմամբ։

Freestyle Chess Grand Slam Final-ի մրցանակային հիմնադրամը 750 հազար դոլար է։