Լեհաստանը Google-ից պահանջել է քարտեզներից թաքցնել իր ռազմական օբյեկտները

Լեհաստանի ազգային պաշտպանության նախարարությունը խնդրել է, որ երկրում գտնվող ռազմական օբյեկտները քողարկվեն Google Street View-ում, հայտնում է Interia պորտալը։

«Ազգային պաշտպանության նախարարությունը Google Poland-ին պաշտոնական հարցում է ուղարկել՝ Google Maps-ում, Google Earth-ում (արբանյակային պատկերներ) և Google Street View-ում ազգային անվտանգության և պաշտպանության համար կարևոր օբյեկտները թաքցնելու վերաբերյալ», - ասվում է նախարարության հայտարարության մեջ։

Լեհաստանի պաշտպանության նախարարության տվյալներով՝ ռազմական կառույցներն արդեն քողարկված են Google Maps-ում և Google Earth-ում։ Սակայն, նախարարությունը պարզաբանել է, որ Google Street View-ն դեռևս այս գործառույթը ներդնելու գործընթացում է։

Լրագրողները նշել են, որ ծառայության կողմից նույնականացված օբյեկտների թվում են զորամասերի պահակակետերը, բազաների մոտ գտնվող կայանատեղիները, ամրաշինությունները և այլն։