«Ի սկզբանե եղել է 5 անձից կազմված ցուցակ». ինչպես են գերեվարվել Արցախի ռազամաքաղաքական ղեկավարները

Իրավունք 18 Դեկտեմբեր, 2025 10:38

«Մարդիկ անընդհատ խոսում են Արցախի ռազմաքաղաքական ղեկավարության գերեվարվելու մասին, բայց չեն էլ մտածել, որ 120 հազար արցախցիների հնարավոր է եղել անվտանգ տեղափոխել Հայաստան՝ ընդ որում առանց Հայաստանի էական միջամտության»,- ֆեյսբուքյան ուղիղ եթերում ասել է արցախցի փաստաբան Ռոման Երիցյանը՝ ներկայացնելով, թե ինչպես են գերեվարվել Արցախի ռազմաքաղաքական ղեկավարությունը։

Նա հայտնում է, որ ի սկզբանե եղել է 5 հոգուց կազմված ցուցակ, որոնք պետք է ձերբակալվեին ու տեղափոխվեին Ադրբեջան. «Այդ հինգ հոգանոց ցուցակը փոխանցվել է Արցախի նախագահին։ Նրանց թվում էին՝ Բակո Սահակյանը, Արկադի Ղուկասյանը, Դավիթ Բաբայանը, Ռուբեն Վարդանյանն ու Դավիթ Իշխանյանը։

Եթե Դավիթ Իշխանյանի, Բակո Սահակյանի ու Արկադի Ղուկասյանի թեման պարզ է, ապա հարց է առաջանում, թե ինչու էին ներառված եղել Ռուբեն Վարդանյանը, Դավիթ Բաբայանը։ Արցախի նախագահը, երբ այս հարցը բարձրացրել է, տեղեկացվել է, որ այդ երկու հոգու մասով կա առանձին ձերբակալելու և կալանավորելու վերաբերյալ որոշում կայացված Ադրբեջանի կողմից։

Նախագահը տեղեկացրել է բոլոր 5 անձանց, ընդ որում՝ Ռուբեն Վարդանյանին տեղեցարել է հեռավար եղանակով։

Ռուբեն Վարդանյանն իրազեկված լինելով այդ մասին՝ ոչ այլընտրանքային ճանապարհով, բացահայտ Հակարի կամուրջը փորձել է հատուլ և նրան ուղեկցել է Դավիթ Մանուկյանը, մեքանայում եղել է Մանուկյանի կինը։

Ադրբեջանական հատուկ ծառայողները ձերբակալել, հետագայում գերեվարվել են Ռուբեն Վարդանյանին, Դավիթ Մանուկյանին ու կնոջը։ Բանակցությունների արդյունքում երկու օր անց բաց են թողել Դավիթ Մանուկյանի կնոջը։

Կապված Լևոն Մնացականյանի հետ. նա չի փորձել այլընտրանքային ճանապարհներով դուրս գալ Հայաստան, չնայած կարող էր նման հնարավորություն ունենալ։

Կարծում եմ՝ նրանց կողմից այսպիսի գործողություններ ձեռնարկելը պայմանավոված էր այն հանգամանքի հետ, քանի որ Ադրբեջանը նախապես տեղեկացրել էր՝ եթե այդ անձինք փորձեն այլընտրանքային ճանապարհներով, գաղտնի եղանակով դիմեն փախուստի, ապա արցախցիների՝ Հայաստան տեղափոխումը կդիտարկվի անհնարին գործողություն, կխոչընդոտեն։

Մարդիկ տեղեկություն էին տարածել, որ Դավիթ Բաբայանը կամովի հանձնվել է Շուշիում։ Նման բան չկա։ Բաբայանը ձերբակալվել է։ Նա կամովին հանձնվել է ֆեյսբուքյան գրառումից հետո Ստեփանակարետի «Լավանդա» կառավարական համալիրում։ Նա հաշվի առնելով այն հանգամանքը, որ իր անազատության մեջ գտնվելու հանգամանքից է կախված արցախցիների անվտանգ տեղափոխումը Հայաստանը, մարդը կամովի հանձնվել է Ադրբեջանի հատուկ ծառայողներին։

Մինչև հոկկտեմբերի 2-ն ընկած ժամանակահատվածը, այլ ձերբակալություններ չեն եղել, բայց օրակարգում էր թեման, փնտրում էին 5 հոգանոց ցուցակից մնացած 3-ին՝ Դավիթ Իշխանյանին, Արկադի Ղուկասյանին ու Բակո Սահակյանին։ Կար հստակ որոշում՝ մինչև այդ 3 անձինք չհանձնվեն, Արցախում մնացած 120 անձինք, այդ թվում փրկարար ծառայության աշխատողներ, դուրս չեն գալու Հայաստան։

Այդ ժամանակ ռուս խաղաղապահների ուղեկցությամբ 120 մարդիկ պետք է տեղափոխվեին Հայաստան։ Նրանց շարքում էին նաև Կարեն Շահրամանյանն ու Կարեն Սարգսյանը։ Երբ շարասյունը պետք է տեղափոխվեր Հայաստան, Կարեն Շահրամանյանն ու Կարեն Սարգսյանը ձերբակալվում են, տեղափովում են Կարեն Սարգսյանի բնակության վայր, որն այդ ժամանակ արդեն ծառայում էր որպես ադրբեջանական շտաբ։ Արդեն մնացած անձինք, երբ հասնում են Հակարի կամուրջ, ձերբակալվում են. նրանք էին՝ Արթուր Հարությունյանը, Արարատ Մելքումյանը, Բակո Սահակյանի անվտանգության պետն ու Կամո Վարդանյանի վարորդը։ Նրանց ձերբակալելու պատճառը, ըստ Ադրբեջանի մեկն է, նրանք գիտեն Արցախի ռազմաքաղաքական ղեկավարների, մասնավորապես Դավիթ Իշխանյանի, Արկադի Ղուկասյանի ու Բակո Սահակյանի գտնվելու վայրը, նրանք պետք է ասեն, հակառակ դեպքում տեղափոխվելու են Բաքու։ Մի քանի ժամ անց կայացվում է նրանց ձերբակալելու, Բաքու տեղափոխելու որոշում։ Արցախի նախագահը խնդրում է բանակցել այդ հարցի շուրջ։ Մինչև լուսաբաց տեղի են ունենում բանակցություններ, հաջողվում է Բակո Սահակյանի անվտանգության պետին ու Կամո Վարդանյանի վարորդին ազատ արձակել, մնացած անձանց չտեղափոխել Բաքու, այլ վերադարձնել Ստեփանակարետ ու պահել Կարեն Սարգսյանի բնակության վայրում։

Այդ ընթացում Սամվել Շահրամանյանը հանդիպում է երեքին, տեղեկացում, որ Ադրբեջանի հատուկ ծառայւողները պահանջ են դրել՝ եթե նրանց չհանձնվեն, այս անձինք կտեղափոխվեն Բաքու։ Բոլոր երեք անձիք՝ Բակո Սահակյանը, Արկադի Ղուկասյանը, Դավիթ Իշխանյանը միանգամից ասում են՝ թույ չեն տա որևէ արցախցի կրի պատասխանտվություն իրենց պատճառով կամ ենթարկվի որոշակի հալածանքների։ Այդ ժամանակ որոշում է կայացվում նրանք անձամբ հանդիպեն Ադրբեջանի հատուկ ծառայողների ներկայացուցիչների հետ, տեղակացնում են, որ ունեն որոշակի պահանջներ։ Այս երեք անձանց հետ է գտնվել նաև պաշտպանության բանակի հրամանատար Կամո Վարդանյանը»։