Շիրակի մարզում Mercedes-ը բախվել քարերին, հողաթմբին և կողաշրջվել. կա վիրավոր

Այսօր՝ դեկտեմբերի 19-ին, ավտովթար է տեղի ունեցել Շիրակի մարզում: Ժամը 06:30-ի սահմաններում Շիրակի մարզի բնակիչ 49-ամյա Աղասի Ա.-ն իր վարած «Mercedes» մակնիշի ավտոմեքենայով Երևան-Գյումրի-Բավրա ավտոճանապարհի 91 կմ հատվածում, դեռևս անհայտ հանգամանքներում դուրս է եկել երթևեկելի գոտուց, բախվել քարերին և կողաշրջվել, հաղորդում է Shamshyan.com–ը։

Վթարի հետևանքով ուղևոր, Շիրակի մարզի բնակիչ 64-ամյա Հ. Հ-ն մարմնական վնասվածքներով տեղափոխվել է Գյումրու բժշկական կենտրոն:

Օպերատիվորեն ժամանած շտապօգնության բժիշկների հերթապահ խումբը վարորդին նույնպես տեղում առաջին բուժօգնությունն է ցուցաբերել, սակայն նա հրաժարվել է հիվանդանոց մեկնելուց:

Վթարի փաստով քննչական բաժնում նախաձեռնվել է քրեական վարույթ: