Զելենսկին հայտարարել է՝ ռազմական դրությունը կչեղարկվի անվտանգության երաշխիքների դեպքում

Ուկրաինայում ռազմական դրությունը կչեղարկվի այն ժամանակ, երբ Կիևը ստանա անվտանգության հստակ երաշխիքներ։ Այս մասին հայտարարել է Ուկրաինայի նախագահ Վլադիմիր Զելենսկիը՝ Новости Украины-ի Telegram ալիքի փոխանցմամբ։

Զելենսկու խոսքով՝ ռազմական դրության ավարտը հնարավոր կլինի այն դեպքում, երբ անվտանգության երաշխիքները ներառեն միջազգային մոնիթորինգ և Ուկրաինայում գործընկեր երկրների ներկայություն։ Նա ընդգծել է, որ խոսքը ոչ թե ձևական, այլ գործնական մեխանիզմների մասին է, որոնք պետք է ապահովեն երկրի անվտանգությունը։

Ուկրաինայի նախագահը հավելել է, որ «ցանկացողների կոալիցիայի» կողմից առաջարկվող անվտանգության երաշխիքները պետք է ստանան այդ երկրների խորհրդարանների աջակցությունը։ Որպես նման երաշխիքներից մեկը՝ Զելենսկին նշել է Ուկրաինայի տարածքում միջազգային զորքերի հնարավոր ներկայությունը։