Կրեմլում հայտնել են՝ Պուտինն ու Թրամփը շուտով նոր հեռախոսազրույց կունենան

Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը մոտ ժամանակներս կունենան նոր հեռախոսազրույց։ Այս մասին հայտարարել է Կրեմլի խոսնակ Դմիտրի Պեսկովը՝ ՏԱՍՍ-ի փոխանցմամբ։

Պեսկովը նշել է, որ զրույցը տեղի կունենա «ամենամոտ ժամանակում»՝ պատասխանելով հարցին, թե երբ կարող է կայանալ շփումը Ռուսաստանի և ԱՄՆ ղեկավարների միջև՝ Դոնալդ Թրամփի և Ուկրաինայի նախագահ Վլադիմիր Զելենսկիի բանակցություններից հետո։

Կրեմլի ներկայացուցիչը չի ներկայացրել հեռախոսազրույցի օրակարգի մանրամասները, սակայն ակնարկվել է, որ շփումը տեղի կունենա միջազգային վերջին զարգացումների և բարձր մակարդակի դիվանագիտական բանակցությունների ֆոնին։