Եվրոպայում գազի գներն աճել են՝ հասնելով մոտ 352 դոլարի

Եվրոպայում գազի բորսայական գինը տարվա վերջին շաբաթում աճել է՝ հասնելով մոտ 351,7 դոլարի՝ հազար խորանարդ մետրի դիմաց։ Գները նախորդ ուրբաթի համեմատ բարձրացել են 2,8 տոկոսով։ Այս մասին հայտնում է РИА Новости-ը՝ հղում անելով Լոնդոնի ICE բորսայի տվյալներին։

Հունվարյան մատակարարումների ֆյուչերսները Նիդերլանդների TTF գազային հանգույցի ինդեքսով երկուշաբթի առևտրի բացման պահին կազմել են 349,9 դոլար։ Օրվա ընթացքում գինը փոքր-ինչ բարձրացել է՝ հասնելով 351,7 դոլարի հազար խորանարդ մետրի համար, ինչը նախորդ առևտրային օրվա համեմատ կազմում է 2,8 տոկոս աճ։

2024 թվականին TTF բորսայում գազի ֆյուչերսների միջին արժեքը կազմել է 386,5 դոլար՝ 16,3 տոկոսով ցածր 2023 թվականի ցուցանիշից։ Մասնագետների գնահատմամբ՝ 2025 թվականին գների նվազումը պայմանավորված է պահանջարկի անկմամբ և հեղուկ բնական գազի մատակարարումների աճով։ Միևնույն ժամանակ, չնայած ԵՄ երկրների հայտարարություններին ռուսական էներգակիրներից հրաժարվելու մասին, 2025 թվականին **Եվրոպական միություն**ը ավելացրել է Ռուսաստանից գազի գնումները՝ առաջին երեք եռամսյակներում հասնելով 10,6 միլիարդ եվրոյի։