Առողջապահության նախարարությունը զգուշացնում է

Ամանորյա օրերին հաճախ օգտագործվում են տնային պայմաններում պատրաստված պահածոներ։ Սակայն սխալ պատրաստման կամ պահպանման դեպքում դրանք կարող են դառնալ բոտուլիզմի՝ կյանքի համար վտանգավոր հիվանդության պատճառ։ Հիվանդությունների վերահսկման և կանխարգելման ազգային կենտրոնը հորդորում է զգոն լինել։

Ի՞նչ է բոտուլիզմը

Բոտուլիզմը ծանր թունավորում է, որն առաջանում է Clostridium botulinum բակտերիայի արտադրած թույնից։ Այն հաճախ կապված է տնային պահածոների օգտագործման հետ։

Հատկապես վտանգավոր են

• Տնային պայմաններում պատրաստված բանջարեղենային և ձկնային պահածոները
• Պահածոները, որոնց կափարիչը ուռած է կամ վնասված
• Պահածոները՝ տհաճ հոտով կամ կասկածելի տեսքով
• Երբեմն կարող են չունենալ տհաճ հոտ կամ համ

Ինչպես պաշտպանվել

• Մի օգտագործեք անհայտ ծագման կամ կասկածելի պահածոներ
• Երբեք մի փորձեք «համտեսել» կասկածելի պահածոն
• Պահածոները բացելուց առաջ ուշադրություն դարձրեք կափարիչի վիճակին
• Տնային պահածոներն օգտագործելուց առաջ խորհուրդ է տրվում եռացնել առնվազն 10–15 րոպե
• Նախապատվությունը տվեք գործարանային արտադրանքին

Բոտուլիզմի ախտանշաններ կարող են լինել

• Տեսողության խանգարում (երկտեսություն, մշուշ)
• Կոպի անկում
• Խոսքի և կուլ տալու դժվարացում
• Մկանային թուլություն
• Շնչառության դժվարացում
• Ցավեր որովայնի շրջանում, փորլուծություն

Ախտանշանների դեպքում անմիջապես դիմեք բժշկի կամ զանգահարեք շտապ օգնություն։

Ժամանակին բուժումը կարող է փրկել կյանք։

Թող տոնական սեղանը լինի ոչ միայն հարուստ, այլև անվտանգ»։