Մենք Ադրբեջանի հետ ունենք չլուծված հարցեր․ Ալեն Սիմոնյան

Մենք Ադրբեջանի հետ ունենք չլուծված հարցեր՝ գերիների, անհետ կորածների հարցերը, բայց ես կարծում եմ, որ մոտ ապագայում մենք այդ բոլոր հարցերի շուրջ համաձայնություն կունենանք։

Այս մասին Հանրային հեռուստատեսության եթերում ասել է ԱԺ նախագահ Ալեն Սիմոնյանը։

«Կա պատերազմի կուսակցություն, և կա խաղաղության կուսակցություն, մենք հավատում ենք խաղաղությանը, և կան մարդիկ, որոնք ասում են՝ մենք էլ ենք ուզում խաղաղություն, բայց արժանապատիվ խաղաղություն, երբ հարցնում ես՝ ինչ նկատի ունի, սկսում է դեմագոգիայի ու փիլիսոփայության ժանր, որից բովանդակային որևէ բան չես կարողանում հասկանալ»,- ասել է նա։