Ոստիկանության հենասյունային չորս ուղղություններն այսօր արդեն լիարժեք իրականացնում են իրենց գործառույթները․ Արամ Ղազարյան
Քաղաքական
ՀՀ ՆԳՆ ոստիկանության պետ-ներքին գործերի նախարարի տեղակալ, ոստիկանության գնդապետ Արամ Ղազարյանը շնորհավորական ուղերձ է հղել, որում ասված է․
«ՀՀ ՆԳՆ ոստիկանության հարգելի՛ ծառայողներ, գործընկերնե՛ր, վետերաննե՛ր, սիրելի՛ հայրենակիցներ,
Ջերմորեն շնորհավորում եմ ձեզ Ամանորի և Սուրբ Ծննդյան տոների կապակցությամբ։
2025 թվականը Ներքին գործերի նախարարության որդեգրած արմատական բարեփոխումները կյանքի կոչելու ժամանակաշրջան էր․ Ոստիկանության հենասյունային չորս ուղղություններն այսօր արդեն լիարժեք իրականացնում են իրենց գործառույթները: Տարին լի էր նաև մարտահրավերներով, սակայն դրանք հնարավոր եղավ հաղթահարել արհեստավարժ ու համակարգված աշխատանքի շնորհիվ։
2026 թվականին ևս Ոստիկանությունը պատասխանատվությամբ ու պրոֆեսիոնալիզմով շարունակելու է իրականացնել իր առաքելությունը՝ անզիջում պայքար մղելով հանցավորության դեմ, պահպանելով հասարակական կարգն ու պաշտպանելով մեր հայրենակիցների անվտանգությունը։
Տարեմուտի այս օրը շնորհավորում եմ նաև մեր ծառայակիցների ընտանիքներին, ովքեր համբերատարությամբ ու պատասխանատվությամբ կիսում են ոստիկանությունում ծառայության բոլոր դժվարութունները և մաղթում՝ բարեկեցություն:
Խորին խոնարհումս ու զորակցությունս եմ հայտնում մեր զոհված զինակիցների հարազատներին՝ վերահաստատելով մշտապես սատար լինելու մեր պատրաստակամությունը։
Կրկին շնորհավորելով Ամանորի և Սուրբ Ծննդյան տոների առթիվ՝ ոստիկանության աշխատակիցներին գալիք տարում մաղթում եմ անփորձանք և արժանապատիվ ծառայություն, մեր հայրենակիցներին՝ բարեկեցություն և անվտանգություն,
մեր երկրին՝ խաղաղություն ու շարունակական զարգացման անկասելի ուղի»։
ՈՒՂԻՂ ԵԹԵՐ
Ամենադիտված 
Ինձ ունեզրկելով վախեցնելն անիմաստ է. Չեմ ուզում ձեզ ծանրաբեռնել իմ ու երեխաներիս զգացածով (լուսանկարներ)
