Պաշտպանության հարցերով եվրահանձնակատարը կոչ է արել 100 000 անդամից բաղկացած ԵՄ բանակ ստեղծել

Եվրամիությունը աջակցում է 100 000 զինվորից բաղկացած մշտական ​​եվրոպական բանակի ստեղծմանը, հայտարարել է պաշտպանության և տիեզերքի հարցերով եվրահանձնակատար Անդրիուս Կուբիլիուսը, գրում է ՌԻԱ Նովոստին։

Նա կարծում է, որ անհրաժեշտ է նաև ստեղծել Եվրոպական անվտանգության խորհուրդ, որի շրջանակներում մոտավորապես 10-12 անդամ կքննարկի ԵՄ պաշտպանության հիմնական հարցերը։

Հանձնակատարը հավելել է, որ Եվրոպան գտնվում է պաշտպանական մարտահրավերների ճնշման տակ, և միությանը անհրաժեշտ է «մեծ պայթյուն» այս ոլորտում։ Նա հավելել է, որ անցյալ տարի, երբ ներկայացվեց ԵՄ նոր պաշտպանական ռազմավարությունը, չկար ԱՄՆ ազգային անվտանգության ռազմավարություն, չկար Վենեսուելա և չկային սպառնալիքներ Գրենլանդիայի համար։

«Այսօր ավելի ակնհայտ է, որ մենք պետք է կառուցենք Եվրոպայի անկախությունը», - ընդգծել է Կուբիլիուսը։