Գերմանիայի կանցլերն Իրանում ցուցարարների դեմ գործողություններն անվանել է «թուլության նշան»
Աշխարհ
Գերմանիայի կանցլեր Ֆրիդրիխ Մերցը դատապարտել է Իրանում ցուցարարների նկատմամբ ուժի կիրառումը՝ դա որակելով «թուլության նշան»: «Արմենպրես»-ի փոխանցմամբ՝ այս մասին հաղորդում է Reuters գործակալությունը:
«Ես Իրանի ղեկավարությանը կոչ եմ անում ժողովրդին սպառնալու փոխարեն պաշտպանել նրանց: Մենք խստագույնս դատապարտում ենք այն բռնությունը, որը Թեհրանում ղեկավարությունն ուղղում է իր սեփական ժողովրդի դեմ: Այս բռնությունը ոչ թե ուժի նշան է, այլ թուլության: Այս բռնությունը պետք է դադարի», - ասել է նա Ահմադաբադում Հնդկաստանի վարչապետ Նարենդրա Մոդիի հետ համատեղ մամուլի ասուլիսում:
Մերցը հավելել է, որ ցուցարարներն ակցիաներ են անցկացնում ազատության և ավելի լավ կյանք ունենալու համար:
«Այս մարդիկ արժանի են խորին հարգանքի՝ Իրանի անվտանգության ուժերի անհամաչափ, դաժան բռնությանը դիմադրելու իրենց քաջության համար», - հավելել է Գերմանիայի կանցլերը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
