Մարկո Ռուբիոն Սենատում կպատասխանի Վենեսուելայի քաղաքականության շուրջ հարցերին

ԱՄՆ պետքարտուղար Մարկո Ռուբիոն չորեքշաբթի հանդես կգա Սենատի արտաքին հարաբերությունների հանձնաժողովում՝ ներկայացնելու և պաշտպանելու նախագահ Դոնալդ Թրամփի վարչակազմի քաղաքականությունը Վենեսուելայի նկատմամբ։ Սա նրա առաջին ելույթն է Սենատում այն բանից հետո, երբ ԱՄՆ-ի ռազմական գործողության արդյունքում ձերբակալվեց Վենեսուելայի նախկին նախագահ Նիկոլաս Մադուրոն։

Ռուբիոն, որը նախկինում եղել է սենատոր և այդ նույն հանձնաժողովի անդամ, այժմ ստիպված կլինի պատասխանել ինչպես դեմոկրատների, այնպես էլ որոշ հանրապետականների քննադատությանը՝ կապված Կոնգրեսի հետ խորհրդակցությունների բացակայության և Վենեսուելայում իրականացված գործողությունների իրավական հիմքերի հետ։ Օրենսդիրները հատկապես մտահոգություն են հայտնել այն հարցի շուրջ, թե արդյոք վարչակազմը գերազանցել է իր լիազորությունները՝ առանց Կոնգրեսի լիարժեք համաձայնության դիմելով ուժի կիրառման։

Թրամփի վարչակազմը պնդում է, որ գործողությունը նպատակ ունեին կանխել Վենեսուելայում աճող անվտանգային սպառնալիքները և վերականգնել տարածաշրջանային կայունությունը։ Սակայն Կոնգրեսում քննարկվում են նախաձեռնություններ, որոնք կարող են սահմանափակել նախագահի լիազորությունները արտաքին ռազմական միջամտությունների հարցում։ Ռուբիոյի լսումները դիտարկվում են որպես կարևոր քայլ՝ վարչակազմի արտաքին քաղաքական գծի հետագա ճակատագիրը գնահատելու համար, գրում է reuters – ը: