ԱՄՆ-ն չի փորձում ճնշում գործադրել Ուկրաինայի վրա՝ Ռուսաստանին տարածքային զիջումներ անելու համար. Reuters

ԱՄՆ-ն Ուկրաինայի իշխանություններին չի ասում, թե ինչ պետք է ներառվի խաղաղության համաձայնագրում, հաղորդում է Reuters-ը՝ հղում անելով աղբյուրին։

Ըստ գործակալության՝ այն ենթադրությունը, որ Վաշինգտոնը փորձում է Կիևին ստիպել տարածքային զիջումներ անել Ռուսաստանի հետ կնքված համաձայնագրում, այդ թվում՝ հրաժարվել Դոնբասից, «մոլորեցնող» է։

Հունվարի 27-ին Financial Times-ը հաղորդել է, որ ԱՄՆ-ն պատրաստ է անվտանգության երաշխիքներ տրամադրել Ուկրաինային, բայց միայն այն դեպքում, եթե այն համաձայնվի խաղաղության համաձայնագրի, որը, հավանաբար, կներառի տարածքային զիջումներ։