Թրամփի վարչակազմը Ազգային գվարդիայի վրա ծախսել է կես միլիարդ դոլար 6 ամսում

Միացյալ Նահանգների նախագահ Դոնալդ Թրամփի կողմից մի քանի խոշոր քաղաքներում Ազգային գվարդիայի զորքերի տեղակայումը 2025 թվականի հունիսից մինչև դեկտեմբեր, ըստ Կոնգրեսի Բյուջետային Կառույցի գնահատականների, հարկատուներին արժեցել է մոտ 496 միլիոն դոլար։ Կառույցը նշում է, որ եթե անցյալ տարվա տեղակայումները շարունակվեն 2026 թվականին, դա կարող է ամսեկան արժենալ 93 միլիոն դոլար, ինչը տարվա կտրվածքով կհասնի ավելի քան 1,1 միլիարդ դոլարի։ Գնահատականը ներառում է ոչ միայն Ազգային գվարդիայի, այլ նաև ակտիվ ծառայության մարմինների տեղակայման ծախսերը Լոս Անջելեսում, Վաշինգտոնում, Մեմֆիսում, Պորտլանդում և Չիկագոյում, բայց չի ընդգրկում Նյու Օռլեան, հայտնում է CNN-ը։

Սպիտակ տան ներկայացուցիչը, պատասխանելով գնահատականներին, ընդգծեց, որ այս գործողությունները նպաստել են քաղաքների անվտանգությանը և բռնության նվազմանը՝ շնորհիվ նախագահ Թրամփի «համարձակ մարտահրավերի» դեմ պայքարի։

Անցյալ տարի Թրամփի վարչակազմը մեծացրել է Ազգային գվարդիայի և դաշնային իրավապահների տեղակայումը մի շարք դեմոկրատական քաղաքներում՝ դրանով փորձելով վերահսկել հանցավորությունը և վերականգնել կարգ ու կանոնը։ Նույն ժամանակահատվածում իրավիճակը ավելի բարդացավ, երբ ԱՄՆ դատարանը մերժեց Թրամփի հարցումը, որը թույլ կտար տեղակայել գվարդիան Չիկագոյում՝ էմիգրացիոն ծառայության աշխատակիցներին պաշտպանելու նպատակով։ Վերջիններս վերջնականապես հետ վերցրեցին զորքերը Չիկագոյից, Լոս Անջելեսից և Պորտլանդից, սակայն նախագահը չբացառեց զորքերի հետագա կիրառումը։