Ես կաջակցեմ Իրանի ռեժիմի դեմ գործողությանը․ Զելենսկի

Ուկրաինայի նախագահ Վլադիմիր Զելենսկին հայտարարել է, որ կաջակցի Իրանի կառավարության դեմ ռազմական գործողությանը։ Զելենսկին այս մասին հայտարարել է Sky News-ին տված հարցազրույցում։

«Կարծում եմ՝ Իրանում մարդիկ օգնություն են փնտրում գործող ռեժիմը փոխելու համար, որը բացահայտորեն ցանկանում է հարձակվել այլ երկրների վրա և մեծ վնաս է պատճառում։ Այս ռեժիմը գոյություն ունի երկար տարիներ։ Մարդիկ իրավունքներ չունեն։ Մարդիկ եմ անհետանում։ Հազարավոր մարդիկ սպանվում և մահապատժի են ենթարկվում», - հայտարարել է Զելենսկին։

Ուկրաինայի նախագահը շեշտել է, որ «կաջակցեր ռեժիմի դեմ գործողությանը, այլ ոչ թե ժողովրդի»։

«Դա մեծ տարբերություն է։ Ես գիտեմ, որ ԱՄՆ-ն և իրանական ռեժիմը ներկայումս բանակցություններ են վարում։ Իհարկե, բանակցություններն ավելի լավն են։ Ես կարող եմ այդպես ասել, քանի որ մենք պատերազմի մեջ ենք։ Բայց վստահ չեմ, որ գործող ռեժիմը անկեղծորեն է կիսում այս գաղափարը։ Ես վստահ չեմ։ Բայց կտեսնենք», - ասել է Ուկրաինայի նախագահը։