Ամերիկացի սենատորը մեղադրում է Թրամփին՝ Բուշ կրտսերի սխալը կրկնելու մեջ

Նյու Ջերսիից ընտրված ամերիկացի սենատոր Էնդի Քիմը հայտարարում է, որ Իրանի դեմ հարվածներ հասցնելու որոշմամբ նախագահ Դոնալդ Թրամփը կրկնել է Ջորջ Բուշ կրտսերի թույլ տված սխալը։ Սենատորը իր կարծիքը հրապարակում է X սոցիալական հարթակում։

Քիմի խոսքով՝ Թրամփը վտանգավոր և անխոհեմ քայլ է կատարել՝ չներկայացնելով հստակ ապացույցներ այն մասին, որ ԱՄՆ ազգային անվտանգությանը իրական սպառնալիք է առկա։ Նա ընդգծում է, որ նման որոշումները կարող են վտանգի ենթարկել ինչպես ամերիկացիներին, այնպես էլ իրանական ժողովրդին, հատկապես այն պայմաններում, երբ Վաշինգտոնը կոչ է անում Իրանում իշխանափոխության՝ առանց լայն միջազգային աջակցության։

Սենատորը հավելում է, որ այս քայլով կարող է սկսվել բռնության նոր փուլ, որը կսրի իրավիճակը և կարող է դուրս գալ վերահսկողությունից։ Ավելի վաղ ԱՄՆ նախագահը հայտարարել էր, որ ակնկալում է Իրանում իշխանության փոփոխություն և կոչ էր արել Իսլամական հեղափոխության պահապանների կորպուսին վայր դնել զենքերը։