Նոր բացահայտումներ Էփշտեյնի գործով․ Սառա Ֆերգյուսոնը նրանից առաջին դասի տոմսեր է խնդրել

Բրիտանական մամուլում հրապարակված նոր փաստաթղթերը բացահայտել են հավելյալ մանրամասներ Սառա Ֆերգյուսոնի և ֆինանսիստ Էփշտեյնի հարաբերությունների մասին։ Daily Mail-ի տվյալներով՝ 2009 թվականի հուլիսին, երբ Էփշտեյնը ազատ էր արձակվել տնային կալանքի պայմաններում, Ֆերգյուսոնի թիմը կապ է հաստատել նրա օգնականի հետ՝ խնդրելով վճարել Նյու Յորք եռօրյա այցի ծախսերը։ Նախկին Յորքի դքսուհին պահանջել է առաջին դասի ավիատոմսեր իր համար, իսկ դուստրերի՝ արքայադուստրեր Բեատրիսի և Եվգենիայի համար՝ բիզնես դաս։

Փաստաթղթերում նշվում է, որ Էփշտեյնը համաձայնել է միայն բիզնես դասի տոմսի՝ Ֆերգյուսոնի համար և էկոնոմ՝ դուստրերի համար։ Երբ օգնականը փորձել է պնդել վերադարձի թռիչքի բարձրակարգ սպասարկման հարցը, ֆինանսիստը խորհուրդ է տվել պարզապես չպատասխանել նամակին։ Ավելի ուշ Ֆերգյուսոնը նրան ուղարկել է ջերմ բովանդակությամբ նամակ՝ անվանելով «երազած եղբայր»։

Հետագայում նա նաև դիմել է Էփշտեյնին՝ խնդրելով տրամադրել իր առանձնատունը «Երիտասարդ Վիկտորիա» ֆիլմի պրեմիերայի համար կամ հատկացնել 20 հազար դոլար դահլիճի վարձակալության նպատակով, սակայն մերժում է ստացել։ Հիշեցնենք, որ Էփշտեյնի գործը լուրջ հարված հասցրեց նաև բրիտանական արքունիքին, մասնավորապես՝ Prince Andrew-ին, որի շուրջ սկանդալը շարունակում է մնալ միջազգային ուշադրության կենտրոնում։