Թրամփը դժգոհ է Լոնդոնից․ Իրանին հարվածների հարցում դաշինքը ճաքեր է տալիս

ԱՄՆ նախագահ Donald Trump հայտարարել է, որ հիասթափված է Մեծ Բրիտանիայի վարչապետ Keir Starmer-ից՝ Իրանին ուղղված գործողությունների համատեքստում։ The Daily Telegraph-ին տված հարցազրույցում Թրամփը նշել է, որ Լոնդոնը չափազանց երկար է քննարկել Վաշինգտոնին Չագոս կղզեխմբում գտնվող ավիաբազան օգտագործելու թույլտվությունը։

Խոսքը Հնդկական օվկիանոսում գտնվող ռազմավարական նշանակության բազայի մասին է, որը հաճախ օգտագործվում է ԱՄՆ ռազմական գործողությունների համար։ Թրամփի խոսքով՝ բրիտանական կառավարության սկզբնական մերժումը «աննախադեպ» քայլ էր երկու երկրների հարաբերություններում և անսպասելի հարված դաշնակցային համակարգին։

Ստեղծված իրավիճակը վկայում է, որ Իրանի շուրջ լարվածությունը արդեն ազդում է նաև արևմտյան դաշինքի ներսում հարաբերությունների վրա։ Վաշինգտոնի և Լոնդոնի միջև տարաձայնությունները կարող են խորանալ, եթե տարածաշրջանային գործողությունները շարունակվեն և պահանջեն նոր ռազմական որոշումներ։