Ջանեթ Յելեն. «Իրանական շոկը» կարող է հարվածել ԱՄՆ տնտեսությանը

ԱՄՆ ֆինանսների նախկին նախարար և Դաշնային պահուստային համակարգի նախկին ղեկավար Ջանեթ Յելենը հայտարարել է, որ Իրանի շուրջ լարվածության երկարաձգումը կարող է դանդաղեցնել ԱՄՆ տնտեսական աճը և խթանել գնաճը։ Bloomberg-ի փոխանցմամբ՝ Յելենը նշել է, որ ամերիկա-իսրայելական գործողությունների շարունակման պայմաններում «իրանական շոկը» լուրջ անորոշություն է ստեղծում շուկաների համար։

Յելենի գնահատմամբ՝ Դաշնային պահուստային համակարգը, որը արդեն չէր նախատեսում տոկոսադրույքների իջեցում առնվազն մինչև հունիս, այժմ առավել զգուշավոր կդառնա դրամավարկային քաղաքականության մեղմացման հարցում։ Նա ընդգծել է, որ եթե Թեհրանը փակվի Օրմուզի նեղուցը, նավթի գները կարող են պահպանվել բարձր մակարդակում կամ նույնիսկ աճել, այն դեպքում, երբ ԱՄՆ-ում գնաճը արդեն մեկ տոկոսային կետով գերազանցում է նպատակային ցուցանիշը։

Նախկին նախարարը նաև քննադատել է նախագահ Դոնալդ Թրամփի տնտեսական նախաձեռնությունները՝ նշելով, որ դրանք կարող են մեծացնել ռիսկային հավելավճարները ԱՄՆ գանձապետական պարտատոմսերի նկատմամբ և ճնշում գործադրել դոլարի վրա։ Յելենի խոսքով՝ նման քայլերը կարող են արագացնել գների աճը և բացասաբար անդրադառնալ երկրի տնտեսական քաղաքականության վրա։