Զելենսկին կասկածի տակ է դրել ընտրություններին իր մասնակցությունը պատերազմի ավարտից հետո

Ուկրաինայի նախագահ Վլադիմիր Զելենսկին հայտարարել է, որ կարող է չմասնակցել հաջորդ նախագահական ընտրություններին, եթե դրանք անցկացվեն Ռուսաստանի հետ հակամարտության ավարտից հետո։ Այս մասին նա ասել է իտալական Corriere della Sera թերթին տված հարցազրույցում։

Զելենսկին նշել է, որ ընտրությունները, ամենայն հավանականությամբ, կանցկացվեն պատերազմական գործողությունների լիակատար ավարտից հետո, այլ ոչ թե ժամանակավոր հրադադարի ընթացքում։ Նրա խոսքով՝ որոշումը ընտրություններին մասնակցելու վերաբերյալ կախված կլինի ուկրաինացիների ցանկությունից։

«Իրական հարցն այն է՝ երբ կկարողանանք անցկացնել ընտրություններ։ Ամենայն հավանականությամբ՝ դրանք կլինեն պատերազմի ավարտից հետո, ոչ թե ժամանակավոր հրադադարի ժամանակ։ Եվ ես լիովին վստահ չեմ, որ կառաջադրվեմ․ կտեսնեմ, թե ինչ կցանկանան ուկրաինացիները», — ասել է նախագահը։