Թուրք հրաձիգները Հայաստանում արծաթե մեդալ են նվաճել

Հրաձգության Եվրոպայի առաջնության մրցումային 3-րդ օրվա վերջին մեդալները նվաճել են  Հունգարիայի, Թուրքիայի ու չեզոք դրոշի ներքո հանդես եկող մարզիկները: Այս մասին հայտնել է Հայաստանի հրաձգության ֆեդերացիան։

Կարեն Դեմիրճյանի անվան մարզահամերգային համալիրում ընթացող հրաձգության Եվրոպայի առաջնության օդամղիչ ատրճանակ միքս (տղամարդ+կին) մրցաձևի եզրափակիչ էին դուրս եկել Հունգարիայի, Ավստրիայի, Թուրքիայի ու չեզոք դրոշի ներքո հանդես եկող մարզիկները:

Ոսկե մեդալը նվաճեցին հունգարները (479.1 միավոր, Եվրոպայի ռեկորդ), արծաթը` թուրքերը (475.6 միավոր), իսկ բրոնզե` չեզոք դրոշի ներքո հանդես եկող մարզիկները (412.8 միավոր):