Սուդանը մեղադրել է Եթովպիային անօդաչու սարքերով հարձակումների մեջ

Սուդանի իշխանությունները մեղադրել են Եթովպիային իրենց տարածքի վրա իրականացված մի շարք անօդաչու թռչող սարքերի հարձակումների համար։ Սուդանի արտաքին գործերի նախարարության հաղորդմամբ՝ փետրվարից մինչև մարտի սկիզբ գրանցվել են դեպքեր, երբ Եթովպիայի տարածքից արձակված անօդաչուները թիրախավորել են Սուդանի ներսում գտնվող օբյեկտներ։

Սուդանի ԱԳՆ-ն հայտարարել է, որ երկիրը պատրաստ է պաշտպանել իր ինքնիշխանությունն ու տարածքային ամբողջականությունը և չի բացառել պատասխան քայլերի հնարավորությունը նման գործողությունների դեպքում։ Ըստ հայտարարության՝ վերջին շաբաթներին մի քանի անգամ արձանագրվել է անօդաչու սարքերի ներթափանցում երկրի օդային տարածք։

Միաժամանակ նշվում է, որ Իսրայելը Եթովպիայի կարևոր գործընկերներից է պաշտպանության ոլորտում և մատակարարում է հակաօդային պաշտպանության համակարգեր ու զինատեսակներ։ Փորձագետների գնահատմամբ՝ տարածաշրջանում ստեղծված լարվածությունը կարող է նպաստել նոր ռազմական բլոկների ձևավորմանը Մերձավոր Արևելքում և Աֆրիկայում։