Պենտագոնը հայտարարել է Իրանի նկատմամբ հաղթանակի մասին

ԱՄՆ պաշտպանության նախարար Փիթ Հեգսեթը հայտարարել է, որ Միացյալ Նահանգները հաղթում է Իրանի հետ հակամարտությունում։ Նրա խոսքով՝ «Էպիկական կատաղություն» անվանումով ռազմական գործողությունը ընթանում է Վաշինգտոնի օգտին։

«Այսօր ես հայտարարում եմ միանշանակ՝ Ամերիկան հաղթում է։ Վճռականորեն, ջախջախիչ և անխնա», — նշել է Հեգսեթը։ Նա ընդգծել է, որ ԱՄՆ-ը պատրաստ է շարունակել ռազմական գործողությունները այնքան ժամանակ, որքան անհրաժեշտ կլինի։

Ավելի վաղ Պենտագոնի ղեկավարը հայտնել էր, որ ամերիկյան սուզանավը Հնդկական օվկիանոսում տորպեդահարել է Իրանի ռազմածովային ուժերի մարտական նավը։ ԱՄՆ զինված ուժերի շտաբների միացյալ կոմիտեի նախագահ գեներալ Դեն Քեյնը նաև հայտարարել է, որ ԱՄՆ-ը սկսել է հարվածներ հասցնել Իրանի տարածքի խորքում գտնվող թիրախներին։