Պենտագոն. ԱՄՆ-ի հիմնական խնդիրը Ռուսաստանը կամ Չինաստանը չեն

ԱՄՆ պաշտպանության նախարար Փիթ Հեգսեթը հայտարարել է, որ Վաշինգտոնի հիմնական մտահոգությունը կապված չէ Ռուսաստանի կամ Չինաստանի հետ, այլ վերաբերում է Իրանի հնարավոր միջուկային ծրագրին։ Այդ մասին նա ասել է մամուլի ասուլիսի ժամանակ։

Նրա խոսքով՝ ԱՄՆ-ի գլխավոր խնդիրը Իրանի «միջուկային հավակնություններն» են։ Հեգսեթը նաև նշել է, որ Վաշինգտոնը այս հարցում հատուկ ուղերձ չունի Ռուսաստանի համար և Մոսկվայի դիրքորոշումը որոշիչ դեր չի խաղում։

Ավելի վաղ Պենտագոնի ղեկավարը հայտարարել էր, որ ԱՄՆ-ը հաղթում է Իրանի հետ հակամարտությունում և պատրաստ է շարունակել ռազմական գործողությունները այնքան ժամանակ, որքան անհրաժեշտ կլինի։