ՀՀԿ-ն ընդդիմադիր ուժերին կոչ է անում միավորվել իմպիչմենտի օրակարգի շուրջ

Տեղի է ունեցել ՀՀԿ Գործադիր մարմնի նիստ, որի ընթացքում հայտարարություն է ընդունվել։ Հայտարարությունում ՀՀԿ ընդդիմադիր ուժերին կոչ է արել միավորվել իմպիչմենտի օրակարգի շուրջ և վերահաստատել է, որ վարչապետի իր թեկնածուն Դավիթ Համբարձումյանն է։

«Վերահաստատում ենք, որ գործող իշխանության հեռացումն իրավական ճանապարհով այսօր ազգային անհրաժեշտություն է՝ հայկական պետականության վերջնական փլուզումը կանխելու համար։

Ելնելով դրանից՝ ՀՀԿ կոչ է անում բոլոր ընդդիմադիր ուժերին, քաղհասարակությանը և յուրաքանչյուր քաղաքացու՝ վեր կանգնել կուսակցական և խմբային նեղ շահերից և միավորվել իմպիչմենտի սահմանադրական գործիքակազմի շուրջ։

Հիմք ընդունելով խորհրդարանական ընդդիմության միասնական թեկնածու, Մասիս համայնքի նախկին ղեկավար Դավիթ Համբարձումյանի՝ մեզ ուղղված դիմումը, մենք հայտարարում ենք քաղաքական երկխոսություն և կոնսուլտացիաներ մեկնարկելու մեր նախաձեռնության մասին։

Բաց ենք բոլոր այն ուժերի համար, որոնք պատրաստ են համատեղ ջանքերով ձևավորել անցումային կառավարություն, ներչառյալ համաձայնություն նոր միասնական վարչապետի թեկնածուի շուրջ,»,- նշված է հայտարարությունում։