Իրանի շուրջ ծավալվող իրադարձություններն ազդեցություն են թողել էներգակիրների արժեքի վրա. Պուտին

Մերձավոր Արևելքում ստեղծված իրավիճակը ազդում է աշխարհում էներգակիրների արժեքի վրա, հայտարարել է ՌԴ նախագահ Վլադիմիր Պուտինը։

«Ոչ ոք մատակարարումները չի կրճատել, բայց գները կտրուկ աճել են։ Ինչո՞ւ։ Համաշխարհային շուկաներում ընդհանուր իրավիճակի պատճառով, այդ թվում՝ նավթային շուկաներում, իսկ տվյալ դեպքում՝ գազային շուկաներում։ Ընդհանուր իրավիճակի պատճառով։ Քանի որ հայտնվել են գնորդներ, որոնք պատրաստ են նույն բնական գազը ձեռք բերել ավելի բարձր գներով, տվյալ դեպքում՝ Մերձավոր Արևելքում տեղի ունեցող իրադարձությունների պատճառով», — ասել է Պուտինը լրագրող Պավել Զարուբինին։