«Այս ընտրությունը որոշում է՝ կամ ունենալու ենք ինքնուրույն պետություն, կամ գնալու ենք թուրքացման ճանապարհով». Արմեն Ռուստամյան
Բլոգոսֆերա
ՀՅԴ Բյուրոյի ներկայացուցիչ Արմեն Ռուստամյանը Մոնրեալում մասնակցել է Դաշնակցության 135-ամյակին նվիրված հանդիսավոր միջոցառմանը, որն անցկացվել է «Միասնություն՝ հանուն պետականության» կարգախոսով, հայտնում են ՀՅԴ հանրային կապերի գրասենյակից։
Միջոցառման ընթացքում տեղի է ունեցել նաև պատանեկան միությունից երիտասարդական շարքեր անցնելու հանդիսավոր արարողություն։ Օրվա գլխավոր բանախոս Արմեն Ռուստամյանն իր խոսքում անդրադարձել է վերջին ութ տարիների զարգացումներին՝ կարևորելով անցած ճանապարհի համարժեք գնահատումն ու առաջիկա փուլերի հստակ ուղղության ձևակերպումը։
«Այս ընտրությունը կամ որոշում է, որ մենք ունենալու ենք ինքնուրույն պետություն, ունենալու ենք մեր ազգային արժանապատուությունը պաշտպանող պետություն, կամ գնալու ենք թուրքացման ճանապարհով և անընդհատ մեր կորուստները ավելի ու ավելի են շատանալու: Ես վստահ եմ, որ մեր սերունդը այդ հաղթանակը կերտող սերունդը կարող է լինել, ազատամարտը հենց այս սերունդն է իր աչքերով տեսել, և մենք պիտի վերադառնանք մեր ակունքներին, և այդ հաղթանակը չի ուշանա՝ վասն հայրենյաց և վասն հավատի:
Կեցցե՛ հայությունը և Հայաստանը: Կեցցե՛ Հայ Յեղափոխական Դաշնակցությունը»:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
